طريقة عمل بيتزا هت...

[الدمعة الحزينة]

البيتزا سوبر سوبريم السميكه:
مقادير العجينه
2كوب طحين
نصف ملعقه خميره فوريه
ذرة ملح
ذرة ب ب
ملعقه سكر
فنجان قهوه زيت
علبة زبادي

وتعجن بالماء الدافي جيدا وتكون العجينه قاسيه شوي
وبعد ماتخمر العجينه تاخذ ساعه تقريبا
تفردينها على الصاج مو صينيه وهذا مهم وتدهنين الصاج اول
تمسحين وجه البيتزا بالمايونيز وبعدين صلصة البيتزا ياتاخذين جاهزه او اللي باكتبها الحين
وبعدين تقطعين لمكعبات كل من (فل فل رومي بصل طماط ) وتضيفين شرائح الزيتون والفطر
واذا حبيتي تضيفين شرائح المرتديللا او الدجاج وانا بصراحه اسوي حركه حلوه اخذ شرائح اللحم البقري حق الهمبرجر المجمد واقطعه مكعبات واحطه عالوجه شريحه وحده تكفي ولازم تصبين عالوجه اخرشي شوي زيت زيتون
وتدخلينها الفرن الحامي من تحت لمده 8 10 دقايق لين تحمر من تحت تولعين عليه من فوق بعد ماتحطين الجبن ويضل نوعين من الجبن شيدر او بارميزان مع مازريللا
نسيت شي مهم الجبن اذا حطيتيه رشي الوجه بالزعتر البري ولا تحمرين الوجه بس يدوب تذوب الجبنه


الصلصه مقاديرها
شوي زبده وزيت وسوي ثوم واللي مايبه بلاش لين يذبل مو يحمر نضيف الصلصه والطماط المهروسه واذا تحبون الفل فل ضيفوه ويا الطماط بالخلاط وبهارات وملح وشوي ماجي وبلاخير شوي خل ابيض
وتطبخ شوي لين تتسبك وتضاف بعد المايونيز


منقول ...
انشالله تظبط عاد... لا تحرقون وجهنه

[السيد أحمد]

أقووول وشرأيك تسويها وتحيبها لنا؟؟؟
مشكور

[الدمعة الحزينة]

تأمرني أمر ياسفير مشكووووووور

[صدى الاحزان]

خلاص سفوري اذا خاطرك فيها

اسويها لك ...
ونعطي الدمعة الحزينه بعد
شكر اخي الدمعه

[السيد أحمد]

ماتقصرين ياصدى
بس نبقيه هو يسويه

[الدمعة الحزينة]

ههههههههههه أشركم على التناقش لا أنتي ولا أهو أنا أسويهااااااا لكم بعد وش تبيون

[لحظه غراااام]

خلاص بجربهااا وراح اقول لكم

[الدمعة الحزينة]

هالله هالله ياااااغرااااااااااام عاد لاتحرقونهاااااااا ههههههههههه أشكرك مرور اجمل

[الدمعة الحزينة]

هاااااااااا سوووووووويتيه ترى جاااااايعين ولا نخلي غيرك تسوووويه

[إكليل الزهراء]

مساء الكادي / الدمعة الحزينة

[فقط الأعضاء المسجلين والمفعلين يمكنهم رؤية الوصلات]
ان شاء الله أجربها وتضبط معاي
الف شكر لك على هذا الجهد
ولا حرمنا من جديدك .. دمت بخير

تحياتي بعطر الأزهار

[الدمعة الحزينة]

نورت الصفحة بوووجووووودك ياحنووووون

[أنوار الفاطمية]

أخانا الكريم والمتميز ...الدمعة الحزينة

مطبخ عامر بالبيتزا أهممم
شكراً لمجهودك وأن شاء الله تضبط معنا
لك خالص التقدير والشكر
دمت طباخ ماهر

[الدمعة الحزينة]

حياك الله
يعطيك العافيه